ຄຳນຳ
ໃນຫຼັກສູດ ການຮຽນ - ການສອນ ວິຊາ ລັດທິສັງຄົມນິຍົມວິທະຍາສາດ ຈະແນ່ໃສ່ປະກອບ ຄວາມຮູພື້ນຖານ ຈຳເປັນຂາດບໍ່ໄດ້ໃຫ້ແກ້ ນັກຮຽນ ນັກສຶກສາ ຈະຕ້ອງໄດ້ຮັບຮູ້ ແລະ ມີຄວາມເຂົ້າໃຈ ຢ່າງຖືກຕ້ອງທາງດ້ານທິດສະດີ ແລະ ພຶດຕິກຳກ່ຽວກັບສັງຄົມນິຍົມ. ໃນຫຼັກສູດນີ້ຈະຍົກໃຫ້ເຫັນ ຂະບວນການວິວັດ,ການຂະຫຍາຍຕົວຂອງ ລັດທິສັງຄົມນິຍົມວິທະຍາສາດ, ຄວາມຮູ້ ກ່ຽວກັບພາລະກຳປະຫວັດສາດ ຂອງ ຊົນຊັ້ນກຳມະກອນ, ການຂະຫຍາຍຕົວຂອງຍຸກສະໄໝ, ການສ້າງລະບອບ ປະຊາທິປະໄຕ ປະຊາຊົນ, ການສຳພັນທະພາບ
ລະຫວ່າງຊົນຊັ້ນແລະຊັ້ນຄົນໃນສັງຄົມ, ການພົວພັນລະຫວ່າງ ຊົນຊາດ ຊົນເຜົ່າ, ສາດສະໜາ
ການພັດທະນາຊັບພະຍາກອນມະນຸດ. ອັນພິເສດ ພວກເຮົາໄດ້ຍົກໃຫ້ເຫັນຍຸດທະສາດ ການຫັນປ່ຽນໂດຍສັນຕິຂອງອິດທິ
ກຳລັງປໍລະປັກທີ່ມີຕໍ່ປະເທດເຮົາ ແລະ
ປະເທດສັງຄົມນິຍົມ.
ການຈັດພີມປື້ມແບບຮຽນ ວິຊາ ລັດທິສັງຄົມນິຍົມວິທະຍາສາດ
ຄັ້ງນີ້, ຈະບໍສາມາດປະຕິເສດໄດ້ ຈາກຂໍ້ ຂາດຕົກ
ບົກຜ່ອງໃນດ້ານຕ່າງໆ ເຊັ່ນ: ການພີມ, ການໃຊ້ຄຳເວົ້າ, ໄວຍາກອນແລະອື່ນໆ
ທັງໝົດເຫຼົ່ານັ້ນ ຄົງໄດ້ຮັບການຕຳນິ ຕິຊົມຈາກບັນດາທ່ານ ຜູ້ອ່ານ
ທັງຫລາຍໃນທາງທີ່ສ້າງສັນ ເພື່ອເຮັດໃຫ້ການປັບປຸງ ຈັດພິມໃນ
ຂ້າງໜ້າມີຄວາມສົມບູນຍິ່ງຂື້ນ.
ສາລະບານ
ບົດທີ 1 ເປົ້າໝາຍແລະວິທີຄົ້ນຄ້ວາຂອງວິຊາລັດທິສັງຄົມນິຍົມວິທະຍາສາດ
I.
ທີ່ຕັ້ງຂອງວິຊາລັດທິສັງຄົມນິຍົມວິທະຍາສາດ.
II.
ເປົ້າໝາຍແລະໜ້າທີ່ຄົ້ນຄ້ວາຂອງວິຊາລັດທິສັງຄົມນິຍົມວິທະຍາສາດ.
III. ລັກສະນະແລະພາລະບົດບາດຂອງວິຊາລັດທິສັງຄົມນິຍົມວິທະຍາສາດ.
ບົດທີ 2 ພາລະກຳປະຫວັດສາດຂອງຊົນຊັ້ນກຳມະກອນ
I.
ຄວາມສຳນຶກກ່ຽວກັບຊົນຊັ້ນກຳມະກອນແລະພາລະກຳປະຫວັດສາດຂອງຊົນຊັ້ນກຳມະກອນ.
II.
ເນື້ອໃນພື້ນຖານຂອງພາລະກຳປະຫວັດສາດຂອງຊົນຊັ້ນກຳມະກອນ.
III. ບັນດາເງື່ອນໄຂ ພາວະວິໄສແລະອັດຕະວິໄສທີ່ຕັດສິນລະກຳປະຫວັດສາດຂອງຊົນຊັ້ນກຳມະກອນ.
IV. ທິດທາງແລະມາດຕະການພື້ນຖານເພື່ອກໍ່ສ້າງແລະຂະຫຍາຍຖັນແຖວຊົນຊັ້ນກຳມະກອນລາວ.
ບົດທີ 3
ພັນທະພາບລະຫວ່າງຊົນຊັ້ນກຳມະກອນ, ຊາວກະສິກອນແລະຊັ້ນຄົນປັນຍາຊົນ.
I.
ຈຸດພິເສດ,ບົດບາດຂອງຊົນຊັ້ນກຳມະກອນ,ຊາວກະສິກອນແລະຊັ້ນຄົນປັນຍາຊົນ.
II.
ຄວາມຈຳເປັນພາວະວິໄສຂອງພັນທະພາບລະຫວ່າງຊົນຊັ້ນກຳມະກອນ,ຊາວກະສິກອນ ແລະຊັ້ນຄົນປັນຍາຊົນ.
I II. ເນື້ອໃນພື້ນຖານຂອງພັນທະພາບ ກຳມະກອນ,ຊາວນາ ແລະ
ປັນຍາຊົນ.
ບົດທີ 4
ເສີມຂະຫຍາຍບົດບາດປັດໄຈຄົນໃນປັດຈຸບັນ.
I.
ທັດສະນະຂອງ ລັດທິມາກ-ເລນິນ
ກ່ຽວກັບກໍ່ສ້າງສັງຄົມໃໝ່.
II.
ຍຸດທະສາດກ່ຽວກັບການພັດທະນາຄົນ,ທິດທາງ ແລະ
ວິທີແກ້ໄຂ.
III. ທັດສະນະ,ຈຸດໝາຍ,ທິດທາງໃນການພັດທະນາຊັພະຍາກອນມະນຸດ.
ບົດທີ 5
ຕ້ານຍຸດທະສາດຫັນປ່ຽນໂດຍສັນຕິ
I.
ສົງຄາມຫັນປ່ຽນໂດຍສັນຕິ,ຈຸດພິເສດ ແລະ
ສາຍເຫດທີ່ຈັກກະພັດດຳເນີນສົງຄາມຫັນປ່ຽນໂດຍສັນຕິ.
II.
ຍຸດທະສາດຫັນປ່ຽນໂດຍສັນຕິຂອງສັດຕູຕໍ່ປະເທດສັງຄົມນິຍົມແລະປະເທດເຮົາ.
III. ທິດທາງ ໜ້າທີໃນການຕ້ານຍຸດທະສາດຫັນປ່ຽນໂດຍສັນຕິຂອງສັດຕູໃນຕໍ່ໜ້າ.
ບົດທີ 6
ລະບອບປະຊາທິປະໄຕປະຊາຊົນ
I.
ຄວາມສຳນຶກກຽວກັບປະຊາທິປະໄຕ.
II.
ລະບອບປະຊາທິປະໄຕ.
III. ເສັ້ນທາງກ້າວຂື້ນຂອງປະເທດເຮົາ
ບົດທີ 1
ເປົ້າໝາຍ ແລະ ວິທີຄົ້ນຄວ້າຂອງວິຊາລັດທິສັງຄົມນິຍົມວິທະຍາສາດ
ໃຫ້ກຳໄດ້ ບັນດາມາດຕະເກນ,ກົດເກນຂອງວິຊາລັດທິສັງຄົມນິຍົມວິທະຍາສາດ ເພື່ອສາມາດອະທິບາຍ,ໃຫ້ຄຳຊີ້ແຈງເຖິງຄວາມແຕກຕ່າງແລະຈຸດພິເສດ
ອັນເປັນພື້ນຖານ. ໂດຍສົມທຽບໃສ່ພາກສ່ວນປະກອບຕ່າງໆຂອງ ລັດທິມາກ-ເລນິນ
ເຊັ່ນ: ປັດຊະຍາ ແລະ ເສດຖະສາດ.
I. ທີ່ຕັ້ງຂອງວິຊາລັດທິສັງຄົມນິຍົມວິທະຍາສາດ
ໃນລະບົບວິທະຍາສາດຂອງທິດສະດີ ມາກ-ເລນິນ.
ລັດທິມາກ - ເລນິນ ແມ່ນ ວິທະຍາສາດທີ່ເປັນຄວາມເອກະພາບ ໃນສາມພາກສ່ວນ ປະກອບຄື:ປັດຊະຍາ ມາກ - ເລນິນ,
ເສຖະສາດການເມືອງ, ລັດທິສັງຄົມນິຍົມວິທະຍາສາດ. ໃນບົດວິທະຍານິພົນ
!! ຕ້ານດຸຍລິງ !! ຂຽນໂດຍທ່ານ ຟ. ອັງແກນ ໄດ້ຍົກໃຫ້ເຫັນ ກ່ຽວກັບບັນຫາ ການຕໍ່ສູ້ຊົນຊັ້ນ ຂອງຊາວກຳມະຊີບ ( ຊາວຜູ້ອອກແຮງງານ
) ການປະຕິວັດສັງຄົມນິຍົມ ແລະ ການກໍ່ສ້າງສັງຄົມໃໝ່.
ສັງລວມແລ້ວ ລັດທິສັງຄົມນິຍົມວິທະຍາສາດ ແມ່ນ ທິດສະດີທີ່ຄົ້ນຄ້ວາກ່ຽວກັບ ເງື່ອນໄຂ ແລະເສັ້ນທາງປົດປ່ອຍ ຊົນຊັ້ນກຳມະກອນ, ຊາວຜູ້ອອກແຮງງານອື່ນໆ,ກ່ຽວກັບລັກສະນະ ກົດເກນ ແລະ
ບັນດາຮູບການຕໍ່ສູ້
ຂອງຊົນຊັ້ນກຳມະກອນ ແລະ
ປະຊາຊົນຜູ້ອອກແຮງງານ ພາຍໃຕ້ການຊີ້ນຳ ນຳພາຂອງ ພັກ ມາກຊິດ - ເລນິນນິດ ເພື່ອແນ່ໃສ່ດັດສ້າງສັງຄົມເກົ່າ, ກໍ່ສ້າງສັງຄົມໃໝ່
ສຳເລັດຜົນຄື: ສັງຄົມນິຍົມ ກ້າວຂື້ນສູ່ສັງຄົມຄອມມູນິດ.
II. ເປົ້າໝາຍ ແລະ ໜ້າທີ່ ຄົ້ນຄວ້າຂອງວິຊາລັດທິສັງຄົມນິຍົມວິທະຍາສາດ.
ກ.
ເປົ້າໝາຍຄົ້ນຄ້ວາດ້ານພາວະວິໄສ, ອັດຕະວິໄສ ຂອງຂະບວນການຫັນປ່ຽນຈາກ ລັດທິ ທຶນນິຍົມເປັນ ສັງຄົມນິຍົມ.
·
ເປົ້າໝາຍຄົ້ນຄ້ວາດ້ານພາວະວິໄສ:
1. ຄົ້ນຄ້ວາກົດເກນການຕໍ່ສູ້ຂອງຊົນຊັ້ນກຳມະກອນ ( ເສັ້ນທາງ,ຮູບການ,ວິທີການ)
2. ຄົ້ນຄ້ວາລັກສະນະກົດເກນການຕ່າງໆຂອງຂະບວນການປະຕິວັດ.
·
ເປົ້າໝາຍຄົ້ນຄ້ວາດ້ານອັດຕະວິໄສ:
1. ຄົ້ນຄ້ວາບົດບາດ ການນຳພາຂອງພັກການເມືອງ, ການວາງຍຸດທະສາດ, ຍຸດໂທບາຍໃນການດຳເນີນການປະຕິວັດ.
2. ຄົ້ນຄ້ວາ ການຈັດຕັ້ງ ແລະ ເສີມຂະຫຍາຍຄວາມສັກສິດຂອງລັດ ທີ່ສະແດງເຈດຈຳນົງ, ສິດ
ອຳນາດຂອງຊົນຊັ້ນກຳມະກອນຊາວຜູ້ອອກແຮງງານ.
3. ຄົ້ນຄ້ວາ ການກໍ່ສ້າງ ແລະ ປັບປຸງສຳພັນທະພາບ
ລະຫວ່າງຊັ້ນຄົນຕ່າງໆໃນສັງຄົມ.
4.
ຄົ້ນຄ້ວາສາຍພົວພັນລະຫວ່າງກຳລັງຕ່າງໆໃນສັງຄົມ (ກຳລັງພົນ,ຂະບວນການກຳມະກອນ
ຊາວນາ, ປັນຍາຊົນ)
ຂ. ໜ້າທີ່ຄົ້ນຄ້ວາມີຄື: ຄົ້ນຄ້ວາຮູບຖານເສດຖະກິດ
- ສັງຄົມກອມມູນິດນິຍົມ
-
ຄົ້ນຄ້ວາສາຍພົວພັນລະຫວ່າງກຳລັງດ້ານຕ່າງໆ ໃນຂະບວນການສ້າງສັງຄົມນິຍົມ
( ບັນດາຊົນຊາດ,ຊົນເຜົາ,ຊາດໜຶ່ງ ແລະ ປະຊາຊາດອື່ນໆໃນຂອບເຂດທົ່ວໂລກ)
-
ຄົ້ນຄ້ວາກົດເກນ,ມາດຕະການຕ່າງໆ ແຫ່ງການກຳເນີດລັດທິສັງຄົມນິຍົມ.
-
ຄົ້ນຄ້ວາສາຍເຫດສົງຄາມ ແລະ ສັນຕິພາບ
III. ລັກສະນະແລະບົດບາດຂອງວິຊາລັດທິສັງຄົມນິຍົມວິທະຍາສາດ.
ກ. ລັດທິສັງຄົມນິຍົມວິທະຍາສາດມີ 3 ລັກສະນະຄື:
· ລັກສະນະພັກ.
1. ສະແດງອອກໂດຍກົງຢູ່ໃນ ທິດສະດີ, ມາດຕະເກນ, ຫຼັກມູນ
ທີ່ມີໜ້າທີ່ໃຫ້ຄວາມກະຈ່າງ
ແຈ້ງເຊ່ນ: ພາລະກຳປະຫວັດສາດຂອງຊົນຊັ້ນກຳມະກອນ, ພັກກອມມູນິດກັບການປະຕິວັດ
ສັງຄົມນິຍົມ.
2. ສະແດງເຖິງລະບົບແນວຄິດຂອງຊົນຊັ້ນກຳມະກອນ, ຜົນປະໂຫຍດຂອງຊົນຊັ້ນກຳມະກອນ
ຊາວຜູ້ອອກແຮງງານ
ແລະ ຊົນຊັ້ນອື່ນໆ ໃນສັງຄົມ.
3. ສະແດງອອກໃນພັກກອມມູນິດເປັນຜູ້ນຳໜ້າພາທາງ.
· ລັກສະນະສາກົນ.
1. ການກຳເນີດ ແລະ ການຂະຫຍາຍຕົວ ໄດ້ຜ່ານຂະບວນວິວັດການສົມທົບ,ການເຄື່ອນໄຫວ
ທິດສະດີກັບພຶດຕິກຳຈາກບົດຮຽນແຫ່ງການຕໍ່ສູ້ຂອງຊົນຊັ້ນກຳມະກອນ,ພາລະກິດການກໍສ້າງສັງຄົມນິຍົມຢູ່ບັນດາປະເທດສັງຄົມນິຍົມ.
2. ຖອດຖອນບົດຮຽນໃໝ່ ທີ່ໃຫຍ່ຫລວງໃນພາລະກິດປ່ຽນແປງໃໝ່.
3. ສົມທົບຢ່າງຖືກຕ້ອງລະຫວ່າງໜ້າທີ່ຂອງຊາດ ແລະ ໜ້າທີສາກົນ, ຜົນປະໂຫຍດຂອງຊາດ
ແລະຜົນປະໂຫຍດຂອງສາກົນ.
· ລັກສະນະປະດິດສ້າງ
1. ບໍ່ແມ່ນທິດສະດີຄຳພີຕາຍຕົວແຂງກະດ້າງ, ຫາກໄດ້ຮັບການເພີມເຕີມ
ແລະ ເສີມຂະຫຍາຍຢ່າງປະດິດສ້າງ.
2. ຮຽກຮ້ອງຕ້ອງຕໍ່ສູ້ຕ້ານກັບລັດທິແກ້, ລັດທິສວຍໂອກາດ.
3.ສືບຕໍ່ເສີມຂະຫຍາຍບົນພື້ນຖານຄົ້ນຄ້ວາ,ສະຫລູບສັງລວມບັນດາປະກົດການໃໝ່ໃນຊີວິດສັງຄົມ ແລະ ຮັບເອົາຢ່າງມີ ການ ເລືອກເຝັ້ນ.
ຂ. ພາລະບົດບາດລັດທິສັງຄົມນິຍົມວິທະຍາສາດມີ 3 ພາລະບົດບາດຄື:
· ພາລະບົດບາດສ້າງໂລກະທັດ ແລະ ຊີວະທັດ ສັງຄົມ - ກອມມູນິດ.
-
ຊີ້ແຈງໃຫ້ຊາວຜູ້ອອກແຮງງານເຫັນແຈ້ງເຖິງການຂະຫຍາຍຕົວທີ່ຕ້ອງເປັນໄປຈາກການຫັນປ່ຽນ
ທຶນນິຍົມຂື້ນສູ້ສັງຄົມນິຍົມ.
-
ຊີ້ໃຫ້ເຫັນແຈ້ງເຖິງເສັ້ນທາງປົດປ່ອຍຕົນເອງ
ແລະ ປົດປ່ອຍທົ່ວສັງຄົມ.
· ພາລະບົດບາດສຶກສາອົບຮົມ.
-
ເຮັດໃຫ້ຊົນຊັ້ນກຳມະກອນ ຊາວຜູ້ອອກແຮງງານ ເຫັນແຈ້ງເຖິງຄວາມເປັນເອກະພາບ ໂດຍພື້ນ
ຖານທາງດ້ານຜົນປະໂຫຍດຂອງຊາວຜູ້ອອກແຮງງານດ້ວຍກັນ ແລະ
ຜົນປະໂຫຍດທີ່ຂັດແຍ່ງກັບ
ຊົນຊັ້ນນາຍທຶນ.
-
ຢຶດໝັ້ນຫຼັກການຂອງຊົນຊັ້ນກຳມະກອນ.
· ພາລະບົດບາດກຳນົດການເຄື່ອນໄຫວ ( ການເມືອງ ).
-
ເຮັດໃຫ້ຊົນຊັ້ນກຳມະກອນ ແລະ
ຊາວຜູ້ອອກແຮງງານ ມີ ຈີນຕະນາການທາງດ້ານການເມືອງ
ສັງຄົມ
ເພື່ອວິເຄາະ ໄຈ້ແຍກເຫດການທີ່ເກີດຂື້ນຢ່າງພາວະວິໄສ.
-
ຕັດສິນການເລືອກເຟັ້ນເສັ້ນທາງເດີນດ້ວຍຕົນເອງ
ຄຳຖາມຄົ້ນຄ້ວາ
1. ທີ່ຕັ້ງພາລະບົດບາດຂອງວິຊາລັດທິສັງຄົມນິຍົມວິທະຍາສາດ ໃນລະບົບວິທະຍາສາດຂອງທິດສະດີ
ມາກ-ເລນິນ ມີຄືແນວໃດ?
2. ເປົ້າໝາຍ ແລະ ໜ້າທີ່
ຄົ້ນຄວ້າຂອງວິຊາລັດທິສັງຄົມນິຍົມວິທະຍາສາດມີຄືແນວໃດ?.
3. ລັກສະນະແລະບົດບາດຂອງວິຊາລັດທິສັງຄົມນິຍົມວິທະຍາສາດມີຄືແນວໃດ?.
ไม่มีความคิดเห็น:
แสดงความคิดเห็น