ບົດທີ 4
ເສີມຂະຫຍາຍບົດບາດປັດໄຈຄົນໃນປະຈຸບັນ
ປະຫວັດສາດການຂະຫຍາຍຕົວຂອງສັງຄົມໃນແຕ່ລະຍຸກ ແຕ່ລະສະໄໝ
ຍາມໃດກໍ່ຕິດພັນໂດຍກົງກັບການຂະຫຍາຍຕົວຂອງສັງຄົມ, ຄົນແມ່ນອັດຕະພາບຂອງການຂະຫຍາຍຕົວສັງຄົມ. ນັບແຕ່ສັງຄົມໄດ້ມີຊົນຊັ້ນກຳເນີດຂື້ນ.
ບັນຫາຄົນໄດ້ກາຍເປັນບັນຫາໃຈກາງ ຂອງຫຼາຍທັດສະນະ ການເມືອງ - ສັງຄົມ ແລະນັບມື້ນັບສະແດງອອກ ເຖິງລັກສະນະເຄັ່ງຮ້ອນຂອງມັນຢ່າງເຕັມຮູບແບບ.
ດ້ວຍເຫດນັ້ນ ມເຖິງປະຈຸບັນນີ້
ປັດໃຈຄົນໄດ້ມານຳສຶກສາ ຄົ້ນຄ້ວາຢ່າງຕັ້ງໜ້າກວ່າເກົ່າ ເພື່ອສ້າງກຳລັງດັນໃຫ້ແກ່ການປ່ຽນແປງໃໝ່ທາງດ້ານສັງຄົມ
ເຊິງສັງຄົມໃໝ່ໄດ້ຮັບການຕີລາຄາຢ່າງຄົບຖ້ວນ ຊັດເຈນກວ່າເກົ່າ
ເມື່ອມັນໄດ້ຖືເອົາ ລັດທິມະນຸດສະທຳອັນສູງສົ່ງແລະເປນຈິງ ເປັນໄມ້ຫຼ້າວັດແທກດ້ານຄຸນນະພາບ
ແລະຈຸດໝາຍໄປເຖິງການສ້າງສັງຄົມເພື່ອຄົນດ້ວຍຄົນ.
I.
ທັດສະນະຂອງ
ລັດທິມາກ-ເລນິນ ກ່ຽວກັບກໍ່ສ້າງສັງຄົມໃໝ່ເພື່ອຄົນ,ດ້ວຍຄົນແລະການສະແດງອອກໃນພຶດຕິກຳ.
1 ຄວາມສຳນຶກຂອງຄົນ ແລະ ບົດບາດຂອງຄົນ
ລັດທິມາກເລນິນ ຊ້ີບອກວ່າ:
ຄົນແມ່ນພະລິດຕະພັນແຫ່ງການພົວພັນສັງຄົມ
ເປັນອັດຕະພາບຂອງທຸກໆການພົວພັນສັງຄົມ ແລະ ຜ່ານການພົວພັນນັ້ນ
ຈິ່ງສະແດງທາດແທ້ສັງຄົມຂອງຄົນ.ປັດໄຈຄົນ ເປັນສັນຍາລັກສະເພາະທີ່ ກຳນົດດ້ວຍບົດບາດຂອງຄົນໃນລະບົບແຫ່ງການພົວພັນສັງຄົມ.
ສະນັ້ນ ບົດບາດຂອງປັດໄຈຄົນ ຈິ່ງສະແດງອອກດັ່ງນີ້:
- ບົດບາດທາງສັງຄົມ: ຄົນແມ່ນຜູ້ເປັນເຈ້າສັງຄົມ,ເປັນປັດໄຈຕັດສິນປະຫວັດສາດ ການຂະຫຍາຍຕົວຂອງສັງຄົມມະນຸດ.
ຄົນທັງເປັນຜູ້ສ້າງປະຫັວດສາດ ທັງເປັນເປົ່າໝາຍຂອງປະຫວັດສາດ ແລະ
ຕັດສິນການຂະຫຍາຍຕົວຂອງກະໂຕຄົນເອງ
- ບົດບາດທາງຊີວະພາບ: ໂດຍທຳມະຊາດ
ຄົນແມານສັດປະເສີດຊະນິດໜຶ່ງ ທີ່ມີລະດັບການຂະຫຍາຍຕົວສູງກ່ວາສັດທົ່ວໆໄປ
ມີການເກີດຂະຫຍາຍຕົວ ແລະ ສູນຫາຍໄປ (ຕາຍ ) ສະນັ້ນ ເພືອຮັກສາສົມດຸນສະຫວ່ງການເກີດ-ຕາຍ
ຄົນຈຳຕ້ອງໄດ້ມີການສືບເຊື່ອ, ຂະຫຍາຍບເຊືອພັນ, ເຜົ່າພັນເພືອເຮັດເປັນສັງຄົນມະນຸດ ມີການຂະຫຍາຍຕົວຢ່າງບໍ່ຢຸນຢັ້ງ.
2
ຄົນແມ່ນອັດຕະພາບຂອງສັງຄົມ.
ກ່ອນໜ້ານີ້ ຜູ້ກໍ່ຕັ້ງ ລັດທິສັງຄົມນິຍົມວິທະຍາສາດ
ກ.ມາກ, ຟ. ອັງແກນ ໄດ້ເອົາຄົນເຂົ້າ ໃນທີ່ຕັ້ງໃຈກາງຂອງສັງຄົມ ເຊິ່ງ ທ່ານທັງສອງເວົ້າວ່າ ສັງຄົມໃໝ່
ແມ່ນສັງຄົມທີ່ສ້າງເງື່ອນໄຂ ເພືອເສີມຂະຫຍາຍກຳລັງແລະຄວາມສາມາດຂອງຄົນ, ຕອບສະໜອງຄວາມຮຽບຮ້ອງຕ້ອງການອັນສົມເຫດສົມຜົນ
ແລະ ນັບມື້ນັບເພີມຂື້ນຂອງຄົນ ໃຫ້ນັບມື້ນັບຄົບຖ້ວນພຽງພໍ. ຈຸດນີ້ ແລະ
ກາຍເປັນຈຸດເລີມຕົ້ນ ຂອງການເບິ່ງຄົນ, ການຄົ້ນຄ້ວາກຽ່ວກັບຄົນ ເຊິ່ງໂລກພວມເອົາໃຈໃສ່ໃນປະຈຸບັນ ແມ່ນເຮັດແນວໃດ ເພື່ອໃຫ້ຄົນກາຍເປັນຜູ້ເປັນເຈ້າ ຫຼື
ເປັນອັດຕະພາບ
ຂອງສັງຄົມຢ່າງແທ້ຈິງ. ຢາກເຮັດໄດ້ແນວນັ້ນ
ຮຽກຮ້ອງໃຫ້ທຸກລັດ, ທຸກ ລະບອບສັງຄົມ ຕ້ອງມີນະໂຍບາຍຢ່າງຖືກຕ້ອງເໝາະສົມ ເພື່ອທຸ້ມເທເຂົ້າ ໃນການພັດທະນາຄົນ, ເຮັດໃຫ້ຊັບພະຍາກອນ ບຸກຄົນຫາກບໍ່ມີການກຽມພ້ອມ ຮັບພາລະກິດທີ່ສັງຄົມມອບໃຫ້.
ຖ້າຊັບພະຍາກອນ
ບຸກຄົນຫາກບໍ່ມີການກຽມພ້ອມ
ໝາຍເຖິ່ງຄົນບໍ່ສາມາດສະແດງບົດບາດ ເປັນອັດຕະພາບຂອງສັງຄົມບໍ່ໄດ້ສຸດທ້າຍ ສັງຄົມກໍ່ຈະປະສົບກັບຄວາມຫຍຸ້ງຍາກ, ໄພຄົມຂູ່ດ້ານຕ່າງໆກໍ່ທະວີຂື້ນ.
ພຶດຕິກຳກໍ່ໄດ້ຢ້ງຢືນໂດຍຜ່ານ ແຕ່ລະການຂະຫຍາຍຕົວຂອງສັງຄົມມະນຸດ:
- ໜື່ງ: ໃນເວລາຄົ້ນຄ້ວາ ກ່ຽວກັບການລົມລະລາຍ ຂອງລະບອບທຶນນິຍົມ, ທ່ານ ກ. ມາກ, ຟ. ອັງແກນ ໄດ້ເໜັ້ນໜັກເຖິ່ງຄວາມເປັນເຈົ້າທາດຂອງຄົນ ໃນລະບອບທຶນນິຍົມ ເຊິ່ງແມ່ນ ຊົນຊັ້ນ ນາຍທຶນເອງເປັນຜູ້ສ້າງຄວາມເປັນທາດຂອງຄົນ ( ການກົດຂີ່ຂົ່ມເຫັງ
) ຂື້ນໃນລະບອບຂອງຕົນ. ການຫັນເປັນທາດຂອງຄົນທີ່ມີ ລັດທຶນນິຍົມໄດ້ກໍ່ຂື້ນໃນຂອບເຂດອັນແພ່ຫຼາຍ
ແລະ ໃນລະດັບອັນຮ້າຍແຮງນັ້ນ ມັນເປັນສັນຍາລັກບົ່ງບອກສູງສຸດ
ທີ່ຈະນຳພາສັງຄົມນັ້ນ ໄປເຖີ່ງການພັງທະລາຍ ແລະ ປ່ຽນແທນ
ດ້ວຍລະບອບ
ສັງຄົມນິຍົມ
-
ສອງ: ບັນດາຜົນສຳເລັດຂອງລະບອບສັງຄົມນິຍົມ
ເຮັດໃຫ້ພວກເຮົາ ບໍ່ສາມາດປະຕິເສດໄດ້ ຜົນ
ງານໃນການແກ້ໄຂບັນຫາຄົນ, ນັ້ນແມ່ນການປົດປ່ອຍຊາວຜູ້ອອກແຮງງານ
ເປັນຕື້ຄົນ ໃຫ້ຫຼຸດພ້ົນອອກຈາກສະພາວະການກົດຂີ່ຂູດຮີດ ( ກົດຂີ່ຂູດຮີດດ້ານຊົນຊັ້ນ
ແລະ ຂົ່ມເຫັງ ເຕັງເຕັກທາງດ້ານຊາດ; ກົດຂີ່ຂູດຮີດດ້ານວັດຖຸ ແລະ ຈິງໃຈ )
ດ້ວຍຜົນສຳເລັດເຫຼົ່ານັ້ນ ເຮັດໃຫ້ລັດທິສັງຄົມນິຍົມ ສາມາດທ້າທາຍ ກັບ
ລະບອບສັງຄົມອື່ນໆ ໃນການແກ້ໄຂບັນຫາຄົນ.
- ສາມ: ໃນຍຸກປະຈຸບັນ, ພາຍຫຼັງທີ່ລັດທິສັງຄົມນິຍົມຖືກວິກິດການ, ລະບອບສັງຄົມນິຍົມ ຖືກລົ້ມລະລາຍ, ລັດທິທຶນນິຍົມ
ໂດຍສົມທົບກັບການຂະຫຍາຍຕົວແບບບໍ່ເຄີຍມີມາກ່ອນທາງດ້ານ ວິທະຍາສາດ
-ເທັກໂນ່ໂລ່ຊີ ໄດ້ໃຊ້ຄວາມພະຍາຍາມ ເພືອແກ້ໄຂບັນຫາຄົນ
ດ້ວຍວີທີ່ການດັບປັບນະໂຍບາຍ ສະຫັວດດີ
ການສັງຄົມ ໃນດ້ານຕ່າງໆ
ເຮັດໃຫ້ພາບພົນຂອງທຶນນິຍົມດີຂື້ນ, ແຕ່ໃນດ້ານທາດແທ້ແລ້ວ ຄົນໃນລະບອບທຶນນິຍົມ ຍັງຖືກກົດຂີ່ຂູດຮີດດ້ວຍລະບອບທີ່ເລິກເຊິ່ງ ແລະ
ແນບນຽນກ່ວາເກົາ.
II. ຍຸດທະສາດກ່ຽວກັບການພັດທະນາຄົນ,ທິດທາງ ແລະ ວິທີແກ້ໄຂ.
ຮັບຮູ້ຢ່າງຄົບຖ້ວນ ແລະ
ເລິກເຊິ່ງຕືມອີກກ່ຽວກັບບັນດ້ານທັດສະນະລັດທິ ມາກ - ເລນິນ
ກ່ຽວກັບຄົນໂດຍເລີ່ມ
ຈາກພື້ນຖານ ທິດສະດີ ແລະ
ວິທີວິທະຍາ ຂອງລັດທິມາກ - ເລນິນ ກ່ຽວກັບຄົນ,ອີງໃສ່ຜົນສຳເລັດໃໝ່ຂອງວິທະຍາສາດ, ບັນດາໂຄງການຄົ້ນຄ້ວາທິດສະດີທີປະກົດຂື້ນໃນຊຸມປີ ຫຼັງມານີ້
ໄດ້ໃຫ້
ຄວາມກະຈ່າງແຈ້ງເຖີງແງ່ມູນດັ່ງນີ້:
v ຄົນແມ່ນອົງປະກອບທີ່ເປັນຕົນເປັນໂຕຂອງທຳມະຊາດ ແລະ
ເປັນໂຄງປະກອບຂອງຊີວະວິທະຍາ. ເພາະສະນັ້ນ
ຄົນມີຄວາມຕ້ອງການດ້ານວັດຖຸ ແລະຈິງໃຈທີ່ຈຳເປັນຕອ້ງຕອບສະໜອງແລະຍັງມີຜົນປະໂຫຍດດ້ານວັດຖຸ ແລະຈິດໃຈຄອບງຳ ສະຕິ, ອາລົມ ແລະ
ການກະທຳ. ດັ່ງນັ້ນດັ່ງນັ້ນຖ້າປະຕິເສດດ້ານທຳມະຊາດ ແລະ ດ້ານຊີວະວິທະຍາຂອງຄົນກໍຈະຕົກໃສ່ທັດສະນະຈິດຕະນິຍົມ, ບໍ່ຮັບຮູ້ການຄົງຕົວແບບເປັນຈິງຂອງຄົນ, ເມື່ອເປັນຄືແນວນັ້ນ
ການປົດປ່ອຍຄົນຕ້ອງດຳເນີນໄປສອງດ້ານຄື: ຄົນຕ້ອງມີຊີວິດໃນສະພາບແວດລ້ອມຂອງສັງຄົນທີ່ດີ,ໃນຂະນະດ່ຽວກັບ ຕ້ອງຕອບສະໜອງຄວາມຕອ້ງການດ້ານວັດຖຸນັບມື້ນັບສູງຂື້ນ.
v ຄົນປະກອບດ້ວຍທາດແທ້ສັງຄົມ, ມັນສະນິດແໜນຕິດພັນກັບມະນຸດດ້ວຍກັນ
ຈົນບໍ່ສາມາດຕັດແຍກອອກຈາກກັນໄດ້, ແຕ່ໃນຂະນະດ່ຽວກັນ ກໍ່ເນັ້ນຕົວບຸກຄົນ ທີ່ນັບມື້ນັບມີຄວາມໝາຍອັນຄົມຖ້ວນສົມບູນເປັນເອກະລາດທີ່ມີລັກສະນະ
” ປົກຄອງຕົນເອງ ” ນັບມື້ເຕັມຮູບແບບ. ດ້ວຍເຫດນັ້ນ ລັດທິ ສັງຄົມນິຍົມ
ດ້ວຍທາດແທ້ ແລະ ຈຸດໝາຍຂອງມັນ ຕ້ອງສ້າງບັນດາເງື່ອນໄຂທາງດ້ານວັດຖຸ ແລະ ຈິດໃຈ ອັນສະດວກໃຫ້ແກ່ການຂະຫຍາຍຕົວຢ່າງເສລີ
ແລະ ຮອບດ້ານ ຂອງບຸກຄົນເຊັ່ນ: ສະຕິສຳນຶກກ່ຽວກັບກຽດສັກສີ ແລະ
ຄວາມຮັບຜິດຊອບຂອງບຸກຄົນ, ຄວາມຮູ້ຄວາມສາມາດຂອງແຕ່ລະຄົນ ແລະ
ບັນດາຄຸນທາດອື່ນໆ ທີ່ຕິດພັນກັບແຕ່ລະຄົນ
ເຊີງກໍ່ໃຫ້ເກີດອຸປະນິໄສຂອງຄົນ, ລະດັບການປົດປ່ອຍຂອງສັງຄົມ ສະແດງອອກໂດຍຜ່ານອິດສະລະພາບຂອງສັງຄົມ.
v ໃນສັງຄົມມີຊົນຊັ້ນ ຄົນກໍ່ມີລັກສະນະຊົນຊັ້ນ, ຜ່ານການຕໍ່ສູ່ເຮັດໃຫ້ບຸກຄົນນັບມື້ເຫັນແຈ້ງວ່າຜົນປະໂຫຍດສະ ເພາະຂອງຄົນ ຈະໄດ້ຮັບການຈັດຕັ້ງປະຕິບັດ
ກໍ່ຕໍ່ເມືອຜົນປະໂຫຍດລວມ ຂອງຊົນຊັ້ນໄດ້ກາຍ ເປັນກຳລັງຄອບງຳການກະທຳຂອງພວກເຂົາເຈົ້າ.
ເຖິ່ງຢ່າງໃດກໍ່ຕາມ ບໍ່ຄວນຖືເດັດຖານລັກສະນັ້ນຊົນຊັ້ນ, ຈະເຮັດໃຫ້
ລັກສະນະຊາດ ແລະ ມວນມະນຸດມົວໝອງໄປ. ໃນແຕ່ລະບຸກຄົນ ເວລາໃດກໍ່ປະກອບມີຄຸນທາດທີ່ເກີດຂື້ນຈາກການຮັບເອົາບັນດາ ຄຸນຄ່າທີ່ມີລັກສະນະຊາດ. ຄົນທັງມີລັກສະນະຍຸກສະໄໝ(
ຍຸກໃດຄົນນັ້ນ ) ພ້ອມກັນນັ້ນ ຄົນກໍ່ທີລັກສະນະປະຫວັດສາດ ໂດຍສືບທອດບັນດາສິ່ງຍອດຍິ່ງຂອງເຜົ່າ
ແລະ ຂອງຊາດ. ການປະສານສົມທົບຄຸນຄ່າຂອງຊາດ ກັບຄຸນຄ່າອັນກ່າວໜ້າຂອງ
ຍຸກສະໄໝຢ່າງຖືກຕ້ອງນັ້ນ ຈະສ້າງແຫຼ່ງຄວາມສາມາດອັນໃຫ່ຍຫຼວງໃຫ້ຄົນບືນຕົວສູ່ຄວາມສົມບູນແບບ ແລະ
ເສີມຂະຫຍາຍບົນບາດຂອງໃຈຄົນ.
v ຄົນແມ່ນຈຸດໝາຍ, ເປັນກຳລັງດັນໃນຂະບວນວິວັດແຫ່ງການຫັນປ່ຽນແບບປະຕິວັດ. ໃນຄວມເປັນຈິງ
ຢູ່ບອກໃດຫາກມີກຳລັງນຳພາ ການປະຕິວັດມີຈິງສຳນຶກອັນຄົບຖ້ວນ
ກ່ຽວກັບບົດບາດຂອງຄົນ ແລະ ຈັດຕັ້ງປະຕິບັດມາດຕະຖານອັນຈຳເປັນ ເພືອໃຫ້ບົດບາດເຫຼົ່ານັ້ນ
ກາຍເປັນຈິງ ພາລະກິດປະຕິວັດ ຢູ່ບ່ອນນັ້ນກໍ່ສາມາດຍາດເອົາໃຊ້ຊະນະ
1. ບັນດາທດິທາງແນໃສ່ເສີມຂະຫຍາຍບົດບາດປັດໄຈຄົນ.
ມາດຕະເກນຄົນ ໄດ້ກວມເອົາບັນດາສາຍພົວພັນແບບສັດຈາວິພາກຂອງອົງປະກອບ
ບັນດາປັດໃຈຕ່າງໆເຊັ່ນ : ທຳມະຊາດ-ສັງຄົມ, ວັກຖຸ-ຈິດໃຈ, ບຸກຄົນ-ວົງຄະນາຍາດ, ປະຫັວດສາດ-ຍຸກສະໄໝ, ພາວະວິໄສ-ອັນຕະວະວິໄສ. ດ້ວຍເຫດນັ້ນ
ຕ້ອງພິຈາລະນາບັນຫາຄົນ ຈາກຫຼາຍທິດທາງ ເພືອດຳເນີນແຜ່ນຍຸດທະສາດ ແລະ
ທິດໃນການເສີມຂະຫຍາຍບົດບາດປັດໄຈຄົນ. ສະນັ້ນທິດທາງໃໝ່ໆສະແດງອກດັ່ງນີ້.
v ໃນຂົງເຂດເສດຖະກິດ: ການຂະຫຍາຍເສດຖະກິດ
ຍາມໃດກໍ່ຕ້ອງໄດ້ຕິດພັນກັບການຂະຫຍາຍປັດໄຈຄົນ, ຕ້ອງຄຳນຶກເຖິ່ງຜົນປະໂຫຍດຂອງບຸກຄົນ
ແລະ ທຸກຄົນ ສະນັ້ນ ສຳລັບປະເທດທີ່ມີ ພື້ນຖານເສດຖະກິດຂະຫຍາຍຕົວຊ້າ ຕ້ອງເອົາໃຈໃສ່ຂະຫຍາຍເສດຖະກິດທີ່ມີຫຼາຍພາກສ່ວນ ຕາມທິດ ສັງຄົມນິຍົມ, ເຄື່ອນໄຫວຕາມກົນໄກຕະຫຼາດທີ່ມີການນຳພາຂອງພັກ ແລະ ການຄຸ້ມຄອງຂອງລັດ.
ການຜະລິດສິນຄ້າ ແມ່ນສິ່ງແວດລ້ອມທີ່ຜູກມັດໃຫ້ແຕ່ລະຄົນ ເວລາໃດກໍ່ຕ້ອງມີການບືນຕົວ, ຊອກຮູ້
ຊອກຮຽນ, ປະດິດສ້າງ ແລະ
ຮັບຜິດຊອບດ້ວຍຕົນເອງຕໍ່ໝາກຜົນການອອກແຮງງານຂອງຕົນ.
v ໃນຂົງເຂດການເມືອງ: ໃຫ້ຄວາມສຳຄັນເຖິ່ງການຍົກສູງ ລັກສະນະຕັ້ງທາງໜ້າ
ການເມືອງຂອງປະຊາຊົນ, ສ້າງເງືອນໄຂເພືອໃຫ້ປະຊາຊົນເຂົ້າຮ່ວມໃນການຄຸ້ມຄອງລັດຄຸ້ມຄອງ ສັງຄົມນັບມືນັບຫຼາຍຕ້ານທຸກຮູບການ ທີລະເມີດສິດ
ປະຊາທິປະໄຕຂອງປະຊາຊົນ ເປັນຕົ້ນແມ່ນ ທ່າອຽ່ງອາດຍາສິດ, ສໍ້ລາດບັງຫຼວງ, ກົດຂີ່ຂູດຮີດ, ສວຍໂອກາດ. ການເສີມຂະຫຍາຍປະຊາທິປະໄຕຢ່າງແຂງແຮງແມ່ນ
ຂະບວນວິວັດທີຢັ້ງຢືນເຖິງສິດເປັນເຈົ້າຂອງຄົນ, ແມ່ນຂະບວນວິວັດດັບແປງອັນເລິກເຊິ່ງ
ແລະ ຄົບຂຸດ ຕໍ່ບັນດາສາຍພົວພັນສັງຄົມ.
v ໃນຂົງເຂດການສຶກສາ: ຕ້ອງສຸ້ມໃສ່ຈຸດໝາຍໃຈກາງ ສ້າງຄົນລຸ້ນໃໝ່, ຕ້ອງຍູ້ແຮງການດັບແປງເນື້ອໃນການສຶກສາ ເພືອໃຫ້ມັນສ່ອງແສງໄດ້ບັນດາສະຕິ ຄວາມຮັບຮູ້
ອັນສຳຄັນທີ່ສຸດຂອງຊາດ ແລະ ມວນມະນຸດ, ກໍ່ສ້າງລະບົບການຈັກຕັ້ງ ແລະກົນໄກການເຄື່ອນໄຫວທີ່ມີປະສິທິພາບແນ່ໃສ່ຍົກສູງຄຸນະພາບການ ສຶກສາ, ປະຕິບັນແຜ່ນຍຸກທະສາດກໍ່ສ້າງຊັບພະຍາກອນບຸກຄົນໃຫ້ແກ່ປະເທດຊາດ ຄື:
ຊອກເຫັນຜູ້ທີ່ມີພອນສະຫວັນ, ກໍ່ສ້າງໃຫ້ເປັນບຸກຄະລາກອນທີ່ມີຄວາມສາມາດ ແລະ
ນຳໃຊ້ບຸກຄະລາກອນເຫຼົ່ານັ້ນໃຫ້ຖືກເປົ້າໝາຍ
v ໃນຂົງເຂດວັດທະນະທຳ-ສັງຄົມ : ຍົກສູງການເຄືອນໄຫວຕ່າງໆໃນຂົງເຂດ ວັດທະນະທຳ, ຕອບສະໜອງຄວາມຮຽກຮ້ອງ ຕ້ອງການອັນຮີບດ່ວນຂອງປະຊາຊົນ.
ວັດທະນະທຳ ຕ້ອງປະກອບສ່ວນ ອັນໃຫ່ຍຫຼວງໃນການກໍ່ສ້າງສັງຄົມໃໝ່
ແລະ ຊີວິດໃໝ່, ວັດທະນະທຳ ຕ້ອງກ້າຫານຕໍ່ສູ້ ຕ້ານປະກົດການ ຫຍໍ້ທໍ້ຫຼ້າຫຼັງ, ປະກອບສ່ວນເຂົ້າໃນການແກ້ ໄຂບັນຫາຮີບດ່ວນຂອງຊີວິດຕົວຈິງ. ວັດທະນະທຳ, ສິລະປະ,ວັນະຄະດີ ຕ້ອງປະກອບສ່ວນສ້າງຫາງສຽງສັງຄົມອັນຈົບງາມ, ຖືກຕ້ອງ, ສອດຄອງກັບທ່າອຽງກ້າວຂື້ນ.
ຄົນໃນຖານະທີ່ເປັນ “ ຈຸດສັງລວມຂອງບັນດາສາຍພົວພັນສັງຄົມ ” ນັ້ນ ຄວນໄດ້ມີຊີວິດໃນສິ່ງແວດລ້ອມ ອັນອຸດົມສົມບູນຫຼາຍແບບຂອງ “ ສັງຄົມພົນລະເມືອງ ” ທີ່ຈົບງານ.ໃນເວລາດຽ່ວກັນນັ້ນ
ຄວນປົດປ່ອຍຄົນອອກຈາກການພົວພັນອັນເກົ່າແກ່ຫຼ້າຫຼັງ, ສືບທອດບັນດາສາຍພົວພັນ
ສັງຄົມ
ທີ່ຈົບງາມ, ສ້າງລະບອບສັງຄົມ ສາຍພົວພັນໃໝ່
III. ທັດສະນະ,ຈຸດໝາຍ,ທິດທາງໃນການພັດທະນາຊັພະຍາກອນມະນຸດ.
ໂດຍຮັບຮູ້ແຈ້ງບົດບາດຕັດສິນຄົນຕໍ່ການຄົງຕົວ ແລະ
ຂະຫຍາຍຕົວຂອງສັງຄົມກໍ່ຄືບົດບາດຄວາມສຳຄັນຂອງຄົນ ໃນຂະບວນວິວັດຂະຫຍາຍຕົວ
ຂອງປະຫວັດສາດ ເວົ້າລວມ, ການດຳເນີນພາລະກິດ ປ່ຽນແປງໃໝ່ ເພືອຮັບປະກັນສອງໜ້າທີ່ຍຸກທະສາດນັ້ນ, ໃນກອງປະຊຸມສູນກາງຄັ້ງທີ່
7 ສະໄໝທີ V ໄດ້ກຳນົດທັດສະນະ, ຈຸດໝາຍ ແລະ
ທິດທາງພື້ນຖານໃນານພັດທະນາຊັບພະຍາກ່ອນມະນຸດຄື:
1. ທັດສະນະຂອງພັກເຮົາ.
ທັດສະນະພື້ນຖານຂອງພັກເຮົາຕໍ່ການພັດທະນາຊັພະຍາກ່ອນມະນຸດ (ຄົນ) ມີ 6
ທັດສະນະດັ່ງນີ້:
ໜຶ່ງ: ການພັດທະນາຊັບພະຍາກອນມະນຸດ ຕ້ອງດຳເນີນໄປ
ຕາມທັດສະນະຫຼັກໝັ້ນຊົນຊັ້ນ ແລະອຸດົມຄະຕິພັກ, ແນໃສ
ສອງໜ້າທີຍຸກທະສາດແຫ່ງການປົກປັກຮັກສາລະບອບໃໝ່ ແລະ
ສ້າງສາພັດທະນາປະເທດຊາດ ກໍ່ຄື ພາລະກິດປ່ຽນແປງໃໝ່ ແລະ ເພືອບັນລຸຈຸດໝາຍຍຸດທະສາດຂອງພັກເຮົາ.
ສອງ: ການພັດທະນາຊັບພະຍາກອນມະນຸດ ຕ້ອງດຳເນີນໄປຢ່າງເນືອງນິດລຽນຕິດ
ເປັນຂະບວນວິວັດຕໍ່ເນືອງ, ດຳເນີນຢ່າງມີແຜ່ນການ, ມີໂຄງການ , ມີຈຸດສຸມ
ແນໃສຕອບສະໜອງຄວາມຮຽກຮ້ອງຕ້ອງການວຽກງານສະເພາະໜ້າ ແລະ ຍາວນານ
ສາມ: ່ ການພັດທະນາຊັບພະຍາກອນ
ແມ່ນວຽກງານອັນຫຍຸ້ງຍາກ, ສັບສົນ ທີ່ຕ້ອງເຮັດດ້ວຍຄວາມຕັ້ງໃຈພະຍາຍາມ
ເດັດດ່ຽວໜັກແໜ້ນ ບົນຈິດໃຈເອກະລາດເປັນເຈົ້າຕົນເອງ, ເພິ່ງຕົນເອງ, ສ້າງຄວາມເຂັມແຂງດ້ວຍຕົນເອງ, ຮັບປະກັນສິດທິຜົນ
ແລະ ຕ້ອງດຳເນີນໄປພ້ອມກາຍນພັດທະນາເສດຖະກິດ - ສັງຄົມ.
ສີ່: ການພັດທະນາຊັບພະຍາກອນມະນຸດຕ້ອງດຳເນີນໄປຢ່າງຮອດດ້ານ: ການເມືອງ, ແນວຄິດ, ຄຸນສົມບັດປະຕິວັດ, ທັດສະນະຫຼັກໝັ້ນ
ແລະ ຄວາມຮູ້ຕື່ມຕົວທາງການເມືອງ, ດ້ານສະຕິປັນຍາ, ຄວາມຮູ້ ຄວາມສາມາດ ແລະ ວິຊາຊີບ ດ້ານວັດທະນະທຳ ແລະ
ສຸກຂະພາບ.
ຫ້າ: ການພັດທະນາຊັບພະຍາກອນມະນຸດ ແມ່ນພາລະກິດຂອງທົ່ວພັກ, ທົ່ວກອງທັບ, ທົ່ວປ່ວງຊົນ.
ດັ່ງນັ້ນ: ອົງການພັກອົງການລັດທຸກຂັ້ນ, ທຸກຂະແໜງການ, ບັນດາກຳລັງປະກອບອາວຸດ, ບັນດາອົງການຈັກຕັ້ງມະຫາຊົນ ແນວໂຮມ, ຊາວໜຸ່ມ ,ແມ່ຍິງ, ກຳມະບານ ແລະ ອົງການຈັກຕັ້ງສັງຄົມອື່ນໆ; ບັນດາ ພາກສ່ວນເສດຖະກິດ ( ພານໃນ ແລະ ຕ່າງປະເທດ ) ບ້ານ, ໜ່ວຍລວມໜູ່, ວັດ ແລະ ແຕ່
ລະຄອບຄົວ
ຈິ່ງຕ້ອງມີໜ້າທີ່ປະກອບສ່ວນປະຕິບັດຄວາມຮັບຜິດຊອບ.
ຫົກ: ການພັດທະນາຊັບພະຍາກອນມະນຸດ ຕ້ອງນຳໃຊ້ແຫຼ່ງທຶນງົບປະມານຂອງລັດ, ບັນດາການຈັກຕັ້ງສັງຄົມ, ບັນດາພາກສ່ວນເສດຖະກິດ, ຕະຫຼາດຮອດທຶນຮອມປະເພດຕ່າງໆ
ຈາກພາຍນອກ; ຕ້ອງຮັບປະກັນທາດແທ້ມະນຸດສະທຳ ແລະ ທາດແທ້ປະຊາຊົນ
ຂອງລະບອບພວກເຮົາຄື: ຕ້ອງສ້າງເງືອນໄຂໃຫ້ແກ່ ຜູ້ທຸກຍາກຂາດເຂີນ, ຜູ້ທີ່ຢູ່ຊົນະບົດ, ພູດດອຍ ຫ່າງໄກສອກຫຼີກ
ແລະ ພີ່ນ້ອງເຜົ່າຕ່າງໆໄດ້ຮັບກາສຶກສາ, ບຳລຸງຮັກສາສຸກກະພາບ ປິ້ນປົວໃນເວລາເຈັບເປັນ
ແລະໄດ້ຮັບການພັດທະນາທາງດ້ານຈິດໃຈ.
2. ຈຸດໝາຍລວມໃນການພັດທະນາຊັບພະຍາກອນມະນຸດ.
o ສ້າງຄົນໃຫ້ເປັນຜົນລະເມືອງດີ ທີ່ມີນ້ຳໃຈຮັກຊາດ
ຮັກລະບອບປະຊາທິປະໄຕປະຊາຊົນ ມີລະບຽບວິໄນແລະເຄົາລົມກົດໝາຍ ຮູ້ຮັບເອົາ
ແລະຮູ້ສົມທົບ.
o ສ້າງຄົນໃຫ້ເປັນຄົນທີ່ມີຄວາມຮູ້ ມີວິຊາຊີບ
ແລະ ມີຄວາມສາມາດ ດຸໝັ່ນປະດິດສ້າງ ແລະ ຮູ້ປະຢັດ
ມັດທະຍັດ ມີສຸຂະພາບ
ພາລະນາໄມສົມບູນ.
o ສ້າງຄົນໃຫ້ມີຄວາມສີວິໄລດ້ານຈິດໃຈ ຄື:
ມີນ້ຳໃຈມະນຸດສະທຳ ຍຸຕິທຳ
ມີຄວາມສາມັກຄິເອືອເຟືອຊ່ວຍເຫຼືອເພື່ອແພ່ແລະມີຄວາມມັກ ຄວາມນິຍົມອັນຖືກຕ້ອງ.
o ສ້າງ ຄົນໃຫ້ມີຄວາມຕື່ນຕົວທາງການເມືອງ ເສີມຂະຫຍາຍນ້ຳໃຈຮັກຊາດ
ແລະ ສິດເປັນເຈົ້າຂອງປະເທດຊາດ ໃນລະບອບໃໝ່,ມີສະຕິລະຫວັງຕົວປະຕິວັດ, ມີຄວມເດັດດ່ຽວໜັກແໜ້ນ, ສູ່ຊົນຜ່ານຜ່າຄວາມຫ້ຍຸງຍາກໃນການປະຕິບັດ ສອງໜ້າທີ່ຍຸກທະສາດແຫ່ງການຮັກສາລະບອບໃໝ່ແລະສ້າງສາປະເທດຊາດ.
3. ທິດທາງໃນການພັດທະນາຊັບພະຍາກອນມະນຸດ.
·
ທິດທາງວຽກງານພະນັກງານ: ບຳລຸງສ້າງພະນັກງານໂດຍເລີມຈາກຄວາມຮຽກຮ້ອງຕ້ອງການຕົວຈິງຂອງໜ້າທີ່ການເມືອງ ແລະ
ວິຊາສະເພາະໃນແຕ່ລະໄລຍະ, ເຮັດໃຫ້ການບຳລຸງສ້າງຕິດພັນກັບການນຳໃຊ້ຢ່າງມີປະສິດທິຜົນ, ເອົາໃຈໃສ່ສ້າງພະນັກງານເຜົ່າ.ໃນຊຸມປີຕໍ່ມາຕ້ອງສຸມໃສ່ການຝຶກອົບຮົມ,
ຍົກລະດັບ ແລະ ກໍ່ສ້າງພະນັກງານ ທັງ 3 ປະເພດຄື: ພະນັກງານນຳພາ, ພະນັກງານ
ຄຸ້ມຄອງ - ບໍລິຫານ ແລະ ພະນັກງານວິຊາການໂດຍເນັ້ນ 3 ດ້ານຄື:
- ຄວາມຮູ້ວິຊາສະເພາະລວມທັງຄວາມຮູ້ດ້ານພາສາຕ່າງປະເທດ.
- ຄວາມສາມາດໃນການຈັກຕັ້ງປະຕິບັດ.
- ຄວາມສາມາດລະດັບທາງດ້ານການເມືອງ.
·
ທິດທາງວຽກງານການສຶກສາ: ພັດທະນາການສຶກສາເພື່ອທຸກຄົນ
ຖືອັນນັ້ນເປັນນະໂຍບາຍແຫ່ງຊາດ ສ້າງເງືອນໄຂໃຫ້ ການສຶກສາໄດ້ຮັບການພັດທະນາໄປກ່ອນ
ແລະ ຮັບໃຊ້ ການພັດທະນາ ເສດຖະກິດ - ສັງຄົມ ຂອງປະເທດ ເຮັດໃຫ້ການສຶກສາກາຍເປັນພາລະກິດຂອງ ທົ່ວປ່ວງຊົນ - ສັງຄົມ ຂະຫຍາຍການສຶກສາໃຫ້ໄປເຖິງຮາກຖານປະຊາຊົນ ຢູ່ໃນຊົນນະບົດພູດອຍ, ເຂດເຜົ່າຊົນຫ່າງໄກ ສ້າງທຸກເງືອນໄຂເພືອໃຫ້ລູກຫຼານບັນດາເຜົ່າ ແລະ
ຜູ້ທຸກຍາກຂາດເຂີນ ໄດ້ເຂົ້າໂຮງຮຽນ ໂດຍໃຊ້ທຶນຮອນຂອງລັດ, ຂອງປະຊາຊົນ
ແລະ ພາກສ່ວນເສດຖະກິດຕ່າງໆ ຍົກລະດັບຄຸນະພາບຂອງການສຶກສາຂື້ນ ຢ່າງໜັກແໜ້ນ, ສົມທົບການສຶກສາໃນໂຮງຮຽນ ກັບ ການສຶກສາໃນຄອບຄົວ
ສັງຄົມໃຫ້ກົມກ່ຽວ ຖືເ ອົາການປັບປຸງ ຖັນແຖວຄູ - ອາຈານ ເປັນບັນຫາຮີບດ່ວນ
ໂດຍເອົາໃຈໃສ່ມາດຕະຖານວິຊາສະເພາະ ແລະ ການປະຕິບັນ ນະໂຍບາຍ ປັບປຸງ ແລະ ພັດທະນາການສຶກສາ
ໃຫ້ທຸກລະບົບຄື: ສາມັນສຶກສາ, ອາຊີວະສຶກສາ, ການສຶກສາ ຂອງລັດ, ເອກະຊົນ; ການສຶກສາໃນລະບົບ ແລະ ນອກລະບົບ
ຫັນເອົາການສຶກສາໄປຕາມທິດທາງທັນສະໄໝ, ນຳເອົາຜົນສຳເລັດທາງດ້ານວິທະຍາສາດ-ເຕັກນິກ ແລະ
ເຕັກໂນ່ໂລ່ຊີໃໝ່ ເຂົ້າໃນການສຶກສາເທື່ອລະກ້າວ
·
ການສ້າງກຳລັງແຮງງານ: ສຳຫຼວດເກັບກຳຂໍ້ມູນ
ຄວາມຕ້ອງການ ກຳລັງແຮງງານ ທັງໃນພາກສ່ວນລັດ, ເອກະຊົນ ແລະ ຕ່າງປະເທດ ເປັນຕົ້ນແມ່ນ ຄວາມຕ້ອງການສຳລັບໂຄງການລົງທຶນ ຕາມແຜ່ນພັດທະນາໃນທົວປະເທດ, ເກັບກຳການສຳຫຼວດ
ສະຖິຕິກຳລັງແຮງງານທີ່ມີຢູ່ໃນປະຈຸບັນ ເພື່ອກໍ່ສ້າງ
ສະໜອງຄວາມຕ້ອງການໃນແຕ່ລະໄລຍະໃຫ້ສອດຄ່ອງ ແລະ ທັນການ; ສ້າງສູນຝຶກອົບຮົມວິຊາຊີບ ເພື່ອຍົກລະດັບສີມືແຮງງານທີ່ມີຢູ່ໃຫ້ຂະຫຍາຍຕົວຂື້ນ; ສົ່ງເສີມໃຫ້ພາກສ່ວນເສດຖະກິດເອກກະຊົນ
ທັນພາຍໃນແລະ ຕ່າງປະເທດ ລົງທືນໃນການກໍ່ສ້າງແຮງງານ ເປັນຕົ້ນແມ່ນ
ການສ້າງໂຮງຮຽນວິຊາຊີບ ເຕົ້າໂຮມຈັດຕັ້ງນຳພາ ແລະ ສຶກສາອົບຮົມກຳມະກອນຊາວຜູ້ອອກແຮງງານໃຫ້ມີສະຕິຊາດ, ສະຕິຊົນຊັ້ນ, ເຄົາລົບ ລະບຽບວິໃນ ແລະ ກົດໝາຍ ເພີ່ມທະວີການປົກປ້ອງ
ຜົນປະໂຫຍດຂອງຕົນເອງ ໂດຍຕິດພັນກັບຜົນປະໂຫຍດ ຂອງລວມໝູ່ ແລະ ຂອງປະເທດຊາດ ເພີ່ມທະວີການຄຸ້ມຄອງແຮງງານ ໃຫ້ທົ່ວເຖິງເປັນຕົ້ນແມ່ນ ການພົວພັນດ້ານແຮງງານ, ຄວາມປອດໄພ ແລະ
ສະພາບແວດລ້ອມໃນການອອກແຮງງານ, ດ້ານຄ່າຈ້າງ ແລະ ສະຫັວດດີການ ຕ່າງໆ.
·
ດ້ານວັດທະນະທຳ: ປົກປັກຮັກສາວັດທະນາທຳອັນດີງາມຂອງຊາດ, ກໍ່ຄືມູນເຊື້ອ
ວັດທະນາທຳ ແລະ ປະເພນີອັນເປັນເອກກະລັກຂອງຊົນເຜົ່າຕ່າງໆ; ສືບຕໍ່ສ້າງ
ແລະ ເສີມຂະຫຍາຍວັດທະນະທຳ ທີ່ມີລັກສະນະຊາດ, ປະຊາຊົນ ແລະ ກ້າວໜ້າ, ສົມທົບກັບການຮັບເອົາ ວັດທະນະທຳອັນດີງາມ ກ້າວໜ້າ ຂອງຊາດຕ່າງໆ
ຕຳນິວິຈານອັນຍໍ້ທໍ້ ແລະ ທ່າອ່ຽງອັນຜິດເຂ ຮີດຄອງ ທີ່ກົດໜ່ວງຄວາມກ້າວໜ້າ ກຳຈັດປັດເປົ່າຜົນສະທ້ອນບໍ່ດີ
ຂອງວັດທະນະທຳຈາກພາຍນອກ ທີ່ພວມແຊກເຂົ້າທຳລາຍ ວັດທະນະທຳ ທະນົບ ທຳນຽມ ແລະ
ປະເພນີທີ່ດີງາມຂອງຊາດເຮົາ ຊຸກຍູ້ເສີມຂະຫຍາຍພອນສະຫັວນ ແລະ ຄວາມສາມາດ ຂອງຄົນ ໃນການປະດິດຄິດແຕ່ງກຳຈັດແກ້ໄຂສະພາວະ ”ບໍລິຫານຄອບງຳ” ແລະ ສະກັດກັ້ນ
ທ່າອ່ຽງທີ່ຈະຫັນເອົາ ການເຄື່ອນໄຫວ ທາງດ້ານວັດທະນະທຳ ໄປສູ່ການທຸລະກິດອ້ອຍຕ້ອຍ, ແລ່ນນຳເງິນໂດຍບໍ່
ຄຳນຶງເຖິງ ແນວທາງນະໂຍບາຍຂອງພັກ ແລະ ວັດທະນະທຳອັນດີງາມຂອງຊາດ.
· ດ້ານສາທາລະນະສຸກ: ປັບປຸງ ແລະ ເສີມຂະຫຍາຍດ້ານສາທາລະນະສຸກ ຕາມທິດຖືເອົາ
ການຮັກສາສຸກກະພາບ, ກັນພະຍາດເປັນຕົ້ນຕໍ່
ໂດຍສະເພາະແມ່ນພະຍາດລະບາດທີ່ເປັນທີ່ອັນຕະລາຍ, ຖືເອົາການເປີດກ້ວາງຍົກລະດັບການປິນປົວເປັນສຳຄັນ.
ສ້າງເງືອນໄຂໃຫ້ປະຊາຊົນບັນດາເຜົ່າ, ຜູ້ທີ່ຂາດເຂີນ ມີລາຍໃດໜ້ອຍ ໄດ້ຮັບການບໍລິການດ້ານສາທາລະນະສຸກ ດ້ວຍການຂະຫຍາຍຕາໜ່າງ
ດ້ານ
ສາທາລະນະສຸກ ໄປສູພື້ນຖານປະຊາຊົນ
ເປັນຕົ້ນແມ່ນເຂດຊົນນະບົດ ພູດອຍຫ່າງໄກສອກຫຼີກ, ວາງນະໂຍບາຍ ການບໍລິການ ດ້ານສາທາລະນະສຸກຢ່າງຈະແຈ້ງ, ສົງເສີມໃຫ້ມີການປະກອບສ່ວນຕ່າງໆ ເຂົ້າໃນການຈັກຕັ້ງບໍລິການ ດ້ານສຸຂະພາບ, ກັນພະຍາດ ແລະ
ການຮັກສາພະຍາບານ ໂດຍມີ ຂໍ້ກຳນົດ ກົດລະບຽບ ໃນການຄຸ້ມຄອງອຳນວຍ ຄວມຄຸມທີ່ຮັດກຸມ.
·
ດ້ານວຽກງານອົງການຈັກຕັ້ງມະຫາຊົນ: ປັບປຸງກົງຈັກການຈັກຕັ້ງ
ອົງການຈັກຕັ້ງມະຫາຊົນ ຂັ້ນຕ່າງໆໃຫ້ມີຄວາມເຂັ້ມແຂງ ທາງດ້ານການເມືອງ, ແນວທາງ ແລະ
ການຈັດຕັ້ງ ເພື່ອສາມາດເປັນ ຜູ້ເຕົ່າໂຮມ, ຈັດຕັ້ງນຳພາສະມາຊິກ
ໃນຄວາມຮັບຜິດຊອບຂອງຕົນໃຫ້ເດີນຕາມແນວທາງປ່ຽນແປງໃໝ່ ກໍ່ຄື
ການປົກປັກຮັກສາ ແລະສ້າງສາປະເທດຊາດ; ບຳລຸງສ້າງ ພະນັກງານໜຸ່ມນ້ອຍທີ່ມີຄວາມສາມາດ ແລະ ຜ່ານຂະບວນການວຽກງານຕົວຈິ່ງ
ດ້ວຍການມອບວຽກ ແລະ ແຕ່ງຕັ້ງເຂົ້າຮັບຜິດຊອບໜ້າທີ່ ການເມືອງ
ທີ່ສົມ
ກັບຄວາມຮູ້ຄວາມສາມາດ ແລະ
ຄຸນສົມບັດຂອງເຂົາເຈົ້າ; ອົງການລັດຕ່າງໆ
ຕ້ອງອຳນວຍເງືອນໄຂໃຫ້ອົງການຈັດຕ້ງມະຫາຊົນໄດ້ເຄືອນໄຫວສ້າງເສດທະກິດ, ດຳເນີນທຸລະກິດ
ສ້າງລາຍຮັບຕາມລະບຽບ ກົດໝາຍຂອງລັດ.
ທັງໝົດທີ່ກ້າວມານັ້ນແມ່ນ ທິດທາງລວມ ໃນການພັດທະນາຊັບພະຍາກອນມະນຸດໃນຂົງເຂດ ວຽກງານຕ່າງໆ ທີ່ພົວພັນ ກັບ
ວຽກງານເສີມຂະຫຍາຍບົດບາດປັດໄຈຄົນໃນເງືອນໄຂໃໝ່.
ຄຳຖາມຄົ້ນຄ້ວາ
1.
ຈົ່ງໄຈແຍກຄວາມໝາຍທີ່ວ່າ: ຄົນແມ່ນອັນຕະພາບຂອງສັງຄົມ
ສະແດງອອກຄືແນວໃດ?
2.
ບັນດາທິດທາງໃນການເສີມຂະຫຍາຍບົດບາດປັດໄຈຄົນ ສະແດງອອກຄືແນວໃດ?
3.
ທັດສະນະ, ຈຸດໝາຍແລະ
ທິດທາງໃນການເສີມຂະຫຍາຍບົດບາດປັດໄຈຄົນແມ່ນແນວໃດ?
ไม่มีความคิดเห็น:
แสดงความคิดเห็น