ບົດທີ 3
ພັນທະພາບລະຫວ່າງຊົນຊັ້ນກຳມະກອນ,ຊາວກະສິກອນແລະຊັ້ນຄົນປັນຍາຊົນ.
ຢູ່ ປະເທດກະສິກຳຫຼ້າຫຼັງ,ພາຍຫຼັງພັກປະຕິວັດນຳພາປະຊາຊົນຍາດເອົາອຳນາດ ການປົກຄອງດຳເນີນພາລະກິດປົກປັກຮັກສາ ແລະ ສ້າງສາລະບອບສັງຄົມນິຍົມໃໝ່ໃຫ້ເຂັ້ມແຂງນັ້ນ,ແມ່ນມີຄວາມຈຳເປັນ ຕ້ອງໄດ້ເອົາໃຈໃສ່ ສ້າງຕັ້ງສຳພັນທະພາບລະຫວ່າງກຳມະກອນ,ຊາວກະສິກອນ
ແລະ ປັນຍາຊົນ, ຈັດຕັ້ງແລະນຳພາກ້ອນກຳລັງສຳພັນທະພາບໄດ້ດີ ມັນຈະກາຍເປັນພື້ນຖານອັນໜັກແໜ້ນ ເພື່ອສືບຕໍ່ພາລະກິດປະຕິວັດໃນໄລຍະໃໝ່ແລະຮັບປະກັນໄຊຊະນະ.ຢາກປະຕິບັດ ກ້ອນກຳລັງສຳພັນໄດ້ດີ,ກ່ອນອື່ນໝົດຕ້ອງຮັບຮູ້ ຈຸດພິເສດພື້ນຖານແລະບົດບາດຂອງແຕ່ລະຊົນຊັ້ນ ຊັ້ນຄົນໃນພັນທະພາບນັ້ນ.
I. ຈຸດພິເສດ,ບົດບາດຂອງຊົນຊັ້ນກຳມະກອນ,ຊາວກະສິກອນແລະຊັ້ນຄົນປັນຍາຊົນ.
1. ຊົນຊັ້ນກຳມະກອນ.
ຊົນຊັ້ນກຳມະກອນແມ່ນກຸ່ມຄົນຈຳນນຫຼວງຫຼາຍ
ທີ່ອອກແຮງງານທຳການຜະລິດວັດຖຸສິງຂອງ
ເຊິງຕິດແໜ້ນກັບບັນດາວົງຈອນເຕັກນິກທີ່ມີລັກສະນະອຸດສາຫະກຳ ເປັນກຳລັງການຜະລິດພື້ນຖານ
ແລະ
ກ້າວໜ້າຂອງສັງຄົມ, ບໍ່ມີພາຫະນະການຜະລິດເປັນຂອງຕົວເອງສະເພາະ ຈຳເປັນຕ້ອງຂາຍແຮງງານຮັບຈ້າງ ໃຫ້ຊົນຊັ້ນນາຍທຶນ ແລະ
ຖືກນາຍທຶນຂູດຮີດຄຸນຄ່າສ່ວນເກີນ.
ຊົນ ຊັ້ນກຳມະກອນແມ່ນກຸ່ມຄົນທີ່ພ້ອມກັບປະຊາຊົນຊາວຜູ້ອອກແຮງງານເປັນ ເຈົ້າພາຫະນະການຜະລິດ,ເປັນເຈົ້າສັງຄົມນິຍົມແລະກອມມູນິດນິຍົມ.
2. ຊົນຊັ້ນຊາວນາ.
ຊົນຊັ້ນຊາວນາແມ່ນບັນດາກຸ່ມຄົນທີ່ອອກແຮງງານຜະລິດວັດຖຸສິ່ງຂອງໃນຂົງເຂດກະສິກຳ ດ້ວຍການອອກແຮງງານແບບກະແຈກກະຈາຍ, ນຳໃຊ້ການຜະລິດທີ່ຫຼ້າຫຼັງເຂົ້າໃນການຜະລິດ,ປະສິດທິຜົນຕ່ຳ ໃນເມ່ືອບໍ່ທັນມີວິທະຍາສາດ,ເຕັກໂນໂລຊີກະທົບເຂົ້າໃສ່. ແມ່ນຜູ້ອອກແຮງງານທີ່ນຳໃຊ້ແຮງງານໂດຍກົງ,ພາຫະນະການຜະລິດຄື: ດີນນາ,ປ່າໄມ້..........
ເພື່ອຜະລິດຜະລິດຕະພັນກະສິກຳ, ຊາວນາແມ່ນກຳລັງການຜະລິດອັນໃຫຍ່ຫຼວງ,ຕິດພັນສະໜິດແໜ້ນກັບມູນ ເຊື້ອອັນເກົ່າແກ່ຂອງຊົນຊາດຊົນເຜົ່າ ແລະ ເປັນກຳລັງຜູ້ປະຕິວັດທີ່ເຂັ້ມແຂງ,ກ້າວໜ້າຫາກໄດ້ຖືກເຕົ້າໂຮມແລະ ຈັດຕັ້ງນຳພາທີ່ດີ.
3.
ຊັ້ນຄົນປັນຍາຊົນ.
ປັນຍາຊົນແມ່ນ ຊັ້ນຄົນພິເສດຂອງສັງຄົມ, ນອນຢູ່ໃນກຳລັງອອກແຮງງານດ້ວຍມັນສະໝອງ, ອອກແຮງງານດ້ວຍ
ມັນສະໝອງທີ່ສັບສົນ ປະດິດສ້າງ. ແບບວິທີການອອກແຮງງານຂອງປັນຍາຊົນຕົ້ນຕໍ່ແມ່ນ ດ້ວຍສະຕິປັນຍາ
ເປັນລາຍບຸກຄົນ ມີຄວາມສຳຄັນທີ່ສຸດສຳລັບທຸກຊັ້ນຄົນ.
ສະນັ້ນ, ຫາກສັງຄົມໃດຖືເບົາ,ທັບຖົມປັນຍາຊົນ ກໍ່ຈະກາຍເປັນສັງຄົມທີ່ຫຼາຫຼັງ,ຢຸດສະງັກຊັກຊ້າ.ຂົງເຂດການອອກ ແຮງງານແມ່ນຕົ້ນຕໍແມ່ນການຄົ້ນຄ້ວາ, ສິດສອນປະດິດຄິດແຕ່ງ, ປິ່ນປົວ...ໃນທາງວິທະຍາສາດ,ວິທະຍາສາດສັງຄົມ,ເຕັກໂນໂລ ຊີ,ສິນລະປະ,ນຳພາ,ຄຸ້ມຄອງແລະອື່ນໆ.
II. ຄວາມຈຳເປັນພາວະວິໄສຂອງພັນທະພາບລະຫວ່າງຊົນຊັ້ນກຳມະກອນ,ຊາວກະສິກອນແລະຊັ້ນຄົນປັນຍາຊົນ.
ການສຳພັນທະພາບລະຫວ່າງ ກຳມະກອນ,ຊາວກະສິກອນແລະປັນຍາຊົນປະຕິວັດແມ່ນມີຄວາມຈຳເປັນໃນທຸກໄລຍະຂອງການປະຕິວັດຄື:
ໜຶ່ງ: ໃນປະເທດໜຶ່ງໆບໍ່ວ່າປະເທດກະສິກຳຫຼືປະເທດທີ່ພັດທະນາແລ້ວ,ເຖິງວ່າ ຊົນຊັ້ນ
ກຳມະກອນຈະກ້າວໜ້າແລະຈະມີຈິດປະຕິວັດພຽງໃດກໍ່ຕາມ
ຖ້ບໍ່ສຳພັນແໜ້ນກັບຊົນຊັ້ນຊາວກະສິກອນ(ຊາວນາ) ແລະ
ປັນຍາຊົນຜູ້ອອກແຮງງານອື່ນໆໄດ້ກໍ່ບໍ່ສາມາດເຮັດສຳເລັດພາລະກຳປະຫວັດສາດຂອງຕົນເອງໄດ້.
ສອງ: ຢູ່ປະເທດກະສິກຳພາລະກິດສ້າງສັງຄົມໃໝ່ນັບມື້ນັບທັນສະໄໝ່,ສີວິໄລ ຕາມທິດສັງຄົມນິຍົມນັ້ນໄດ້ເກີດມີຄວາມຈຳເປັນດ້ານເສດຖະກິດ - ເຕັກນິກ
ຕ້ອງຜູກແໜ້ນລະຫວ່າງກະສິກຳ ແລະ ອຸດສາຫະກຳ ແລະວິທະຍາສາດເຕັກນິກ
ເຕັກໂນໂລຊີ ນັ້ນມັນໄດ້ຮຽກຮ້ອງໃຫ້ມີການສຳພັນທະພາບລະຫວ່າງຊາວ ກະສິກອນ,ກຳມະກອນ,ປັນຍາຊົນ ແລະບໍ່ມີປະເທດກະສິກຳທີ່ຫຼ້າຫຼັງໃດທີ່ຈະສ້າງສັງຄົມນິຍົມໃຫ້ສຳ ເລັດໄດ້,ຫາກປາສະຈາກບັນຫາດັ່ງກ່າວ.
ສາມ: ຄວາມຈຳເປັນທາງດ້ານເສດຖະກິດ-ເຕັກນິກ ທີ່ເກີດໃນຂະບວນວິວັດການສ້າງປະເທດຊາດໄດ້ກໍ່ໃຫ້ເກີດມີຄວາມຈຳ ເປັນທາງດ້ານ ການເມືອງ-ສັງຄົມ
ເພື່ອຈຸດປະສົງເຕົ້າໂຮມກຳລັງແຮງຕ່າງໆ ເພື່ອແນ່ໃສ່ຮັບໃຊ້ຜົນປະໂຫຍດອັນພື້ນຖານຂອງຊົນຊັ້ນກຳມະກອນ,ຊາວ ກະສິກອນ,ປັນຍາຊົນແລະຂອງຊາດ.
III. ເນື້ອໃນພື້ນຖານຂອງພັນທະພາບ ກຳມະກອນ,ຊາວນາ ແລະ ປັນຍາຊົນ.
ກ. ເນື້ອໃນການເມືອງຂອງພັນທະພາບ.
ພວກເຮົາຮູ້ແລ້ວວ່າ ຜົນປະໂຫຍດຂອງຊົນຊັ້ນກຳມະກອນ,ຊາວນາແລະຊັ້ນຄົນ
ປັນຍາຊົນຍາມໃດ
ກໍ່ເປັນເອກະພາບກັບຜົນປະໂຫຍດຂອງປະຊາຊົນ
ຜູ້ອອກແຮງງານທັງປວງແລະຂອງຊາດ.ຫາກເບິ່ງແງ່ມູມພັນທະພາບແມ່ນ ຄວາມເປັນເອກະພາບທາງດ້ານຜົນປະໂຫຍດການເມືອງ, ໃນຂະບວນວິວັດແຫ່ງການກໍ່ສ້າງສັງຄົມໃໝ່ຄວນເອົາໃຈໃສ່ດັ່ງນີ້:
ໜຶ່ງ: ສ້າງແລະປັບປຸງເງື່ອນໄຂຕ່າງໆ ເພື່ອເຮັດໃຫ້ຄວາມເປັນເອກະພາບທາງດ້ານຜົນປະໂຫຍດໄດ້ຮັບປະກັນແລະ ໄດ້ຮັບການຈັດຕັ້ງປະຕິບັດໃນພາກຕົວຈິງເທື່ອລະກ້າວ ໂດຍຜ່ານສະຖາບັນຕົ້ນຕໍຄື:
ການເຄື່ອນໄຫວຂອງພັກ, ຂອງລັດ, ຂອງອົງການຈັດຕັ້ງການເມືອງ
- ສັງຄົມ ຂອງກຳມະກອນ, ຊາວກະສິກອນ, ປັນຍາຊົນແລະພົນລະເມືອງແຕ່ລະຄົນ.
ສອງ: ພັກຄອມມູນິດ
ຕ້ອງກຳແໜ້ນ ແລະ
ເສີມຂະຫຍາຍບົດບາດນຳພາຂອງຕົນ ຕໍ່ ພັນທະພາບດັ່ງກ່າວນັ້ນ
ແມ່ນຄວາມຮຽກຮ້ອງຕ້ອງການພາວະວິໄສທາງດ້ານການເມືອງ, ທັງເປັນເນື້ອໃນການເມືອງ
ທີ່ມີລັກສະນະຫຼັກການ ເພື່ອສ້າງພັນທະພາບ. ຢາກເຮັດໄດ້ແນວນັ້ນ ມີແຕ່ຢູ່ພາຍໃຕ້ການນຳພາຂອງພັກ
ແລະພັກເວລາໃດກໍ່ຕ້ອງມີຄວາມເຂັ້ມແຂງທຸກດ້ານ, ພົວພັນຢ່າງຊະນິດແໜ້ນກັບກຳມະກອນ, ຊາວນາ
ປັນຍາຊົນ ແລະ ທົ່ວປວງຊົນ.
ສາມ: ເນື້ອໃນການເມືອງຂອງພັນທະພາບ ຕິດພັນກັບຂະບວນວິວັດ
ການກໍ່ສ້າງລະບອບປະຊາທິປະໄຕ ສັງຄົມ
ນິຍົມ, ລະບົບການເມືອງທົ່ວສັງຄົມ, ພິເສດແມ່ນການກະທົບຂອງ
ພັກ-ລັດ
ຊົນຊັ້ນກຳມະກອນ,ປັນຍາຊົນ ເພື່ອຫັນສັງຄົມໄປຫາຊົນນະບົດ, ເຂົ້າສູ່ກະສິກຳ, ຊາວນາ
ເພື່ອເຮັດໃຫ້ເປັນລະບົບ ການເມືອງຢູ່ຮາກຖານຊົນະບົດໄດ້ຮັບການສ້າງຕັ້ງ,ປັບປຸງແລະເສີມຂະຫຍາຍບົດບາດຂອງຕົນຢ່າງແຂງແຮງ.
ສີ່: ເນື້ອໃນການເມືອງ ພັນທະພາບ
ຍາມໃດກໍ່ຕິດແໜ້ນກັບເນື້ອໃນ ແລະ ການເຄື່ອນໄຫວຂອງເສດຖກິດ, ວັດທະນາທຳ -
ສັງຄົມ ຂອງກຳມະກອນ, ຊາວນາ,ປັນຍາຊົນ ແລະ ຂອງທົ່ວສັງຄົມ. ບໍ່ມີເນື້ອໃນການເມືອງລ້ວນໆ ແລະ
ລວມໆ ທີ່ຫາງເຫີນ ຈາກພຶດຕິກຳທາງການເຄື່ອນໄຫວດ້ານຕ່າງໆຂອງຊີວິດສັງຄົມໃນພາລະກິດ ປົກປັກຮັກສາແລະສ້າງສາປະເທດຊາດ.
ຂ. ເນື້ອໃນເສດຖະກິດຂອງພັນທະພາບ.
ເນື້ອໃນຂອງເສດຖະກິດພັນທະພາບ ແມ່ນເນື້ອໃນກົກ, ຕັດສິນກ່ວາໝູ່, ແມ່ນພື້ນຖານເສດຖະກິດ
ພັນທະພາບ. ໃນເມືອວິເຄາະໄຈ້ແຍກເນືອໃນເສດຖະກິດພັນທະພາບ, ມັນຈຳເປັນຕ້ອງອີງໃສ່ພື້ນຖານລວມທີ່ສຸດຄື:
ຂະບວບການວິວັດ “ສົມທົບບັນດາຜົນປະໂຫຍດທາງດ້ານເສດຖະກິດ” ຂອງກຳມະກອນ,ຊາວນາ,ປັນຍາຊົນແລະຂອງປວງຊົນທັງຊາດເຊິ່ງລັດເປັນຕົວແທນ.
ເນື້ອໃນນີ້ໄດ້ສະແດງອອກດັ່ງນີ້.
ໜຶ່ງ: ເຂົ້າໃຈແຈ້ງເຖິງການຕ້ອງການ ເສດຖະກິດຂອງກຳມະກອນ, ຊາວນາ, ປັນຍາຊົນ ແມ່ນຄວາມຕ້ອງການທາງດ້ານເສດຖະກິດຂອງແຕ່ລະອັນຕະພາບຂອງພາວະວິໃສ ໂດຍຕິດພັນກັບໄລຍະການຂະຫຍາຍຕົວຂອງສັງຄົມ. ສະນັ້ນ ພັກ -
ລັດຕ້ອງກຳແໜ້ນແລະກຳນົດຢ່າງຖືກຕ້ອງຄວາມຕ້ອງການເສດຖະກິດອັນພາວະວິໄສ ໃນສະພາບຄວາມເປັນຈິງ
ເສດຖະກິດຂອງປະເທດ ເພື່ອວາງແນວທາງເສດຖະກິດ ແລະ ວິທີແກ້ໄຂອັນເໝາະ ແນໃສ່ຄວາມຕ້ອງການເສດຖະກິດດັ່ງກ່າວ.
ສອງ: ຕ້ອງກຳນົດຢ່າງຖືກຕ້ອງ ໂຄງປະກອບເສດຖະກິດແຫ່ງຊາດ, ໂຄງປະກອບຂະແໜງການ ຜ່ານໂຄງປະກອບເສດຖະກິດນັ້ນ
ຈິ່ງສະແດງໃຫ້ເຫັນການຜູກພັນແບບອິນຊີ ລະຫ່ວາງສາມຂະແໜງ
ດ້ານເສດຖະກິດຕົ້ນຕໍ່ຄື: ອຸດສາຫະກຳ, ກະສິກຳ, ວິທະຍາສາດ,ເ ຕັກນິກ ເຕັກໂນໂລຊີ. ໃນແງ່ມູນ ຂອງພັນທະພາບແລ້ວ, ເຮັດແນວໃດກໍຕ້ອງໃຫ້ໂຄງປະກອບເສດຖະກິດ
ສະແດງອອກໃຫ້ເຫັນແຈ້ງວ່າ: ກະສິກຳ ເປັນຂະແໜງ ສ້າງພື້ນຖານຂັ້ນຕົ້ນ
ເພ່ືອເຫັນໃຫ້ເສດຖະກິດມີສະຖຽນລະພາບ ແລະ ຂະຫຍາຍຕົວ, ສ້າງປະຖົມ
ປັດ ໃຈໃຫ້ແກ່ການຫັນເປັນອຸດສາຫະກຳ ແລະ
ທັນສະໄໝເທື່ອລະກ່າວ. ສ່ວນອຸດສາຫະກຳເປັນຕົ້ນ ແມ່ນຂະແໜງການທີ່ເປັນຫລັກແຫ່ລງ ຕ້ອງສຸມໃສ່ຮັບໃຊ້ແກ່ກະສິກຳ, ຂະແໜງວີທະຍາສາດ, ເຕັກໂນໂລຊີໃໝ່ ຕ້ອງໄດ້ຮັບການຄົ້ນຄ້ວາ,ນຳໃຊ້ເທື່ອລະກ້າວເພືອຮັບໃສ່ໃຫ້ແກ່ການ ຜະລິດກະສິກຳ ແລະ
ອຸດສາຫະກຳ.
ສາມ: ຕ້ອງຂະຫຍາຍການຕິດຕໍ່, ແລກປ່ຽນເສດຖະກິດ.ສຳພັນ,ຜູກພັນເສດຖະກິດລະຫວ່າງ ອຸດສາ
ຫະກຳ, ກັບກະສິກຳ ແລະ ວິທະຍາສາດ ( ກຳມະກອນ,ຊາວນາ,ປັນຍາຊົນ )
ລະຫວ່າງ ຕົວເມືອງ
ກັບຊົນນະບົດ, ທົງພຽງກັບພູດອບ,ພາຍໃນກັບຕ່າງປະເທດ.
ສີ່: ຫັນບັນດາຮູບການກຳມະສິດ ນຳໃຊ້ບັນດາພາຫະນະການຜະລິດ,ຈັດແບ່ງກົນໄກເສດຖະກິດ ບັນດາຮູບການຮ່ວມມື
ຜະລິດທຸລະກິດໃຫ້ອຸດົມສົມບູນ,ຫຼາຍຮູບຫຼາຍສີ,ກໍ່ສ້າງການພົວພັນການຜະລິດໝ່ໃຫ້ເປັນແຕ່ລະບາດກ້າວ, ເສດຖະກິດຂອງລັດ, ລວມໝູ
ໃຫ້ເປັນພື້ນຖານແໜ້ນແກ່ນໃຫ້ແກ່ ເສດຖະກິດແຫ່ງຊາດ ເປັນແຕ່ລະບາດກ້າວ ທັງໝົດທີ່ກ່າວມານັ້ນຕ້ອງເອົາໃຈໃສ່ຢູ່ບ່ອນວ່າ: ການກໍ່ສ້າງການພົວພັນການຜະລິດຕ້ອງມີ ບັນດາຮູບການ, ບາດກ້າວເດີນທີ່ເໝາະສົມ, ຕີລາຄາດ້ວຍໝາກຜົນ ການຂະຫຍາຍຕົວ
ຂອງການຜະລິດ ແລະ ການດຳລົງຊີວິດຂອງປະຊາຊົນ.
ຫ້າ: ບົດບາດ ແລະ ການປະພຶດຂອງລັດ ຕໍ່ຂະບວນວິວັດ
ການສຳພັນທະພາບ ຖືເປັນບັນຫາສຳຄັນທີ່ສຸດ.ລັດຕ້ອງມີແຜນນະໂຍບາຍ, ນະໂຍບາຍ, ກົດໝາຍແລະມາດຕະການຕ່າງໆເພື່ອສ້າງເງື່ອນໄຂອັນສະດວກໃຫ້ແກ່ພັນທະ ພາບນັນ. ສຳລັບປະເທດກະສິກຳ, ສາຍພົວພັນລະຫວ່າງລັດ
ກັບ ຊາວນາແມ່ນສຳຄັນທີ່ສຸດ ເຊິງສະແດງອອກຜ່ານ ການກະທົບຂອງລະບົບກົດໝາຍ, ນະໂຍບາຍ, ຮູບການເສດຖະກິດຕ່າງໆເຊ່ນ: ກົດໝາຍທີ່ດີນ, ກົດໝາຍການລົງທຶນ, ນະໂຍບາຍລາຄາ, ລາຄາຜະລິດຕະພັນ, ລາຄາອຸປະກອນການຜະລິດ, ລາຄາການບໍລິການ.....ນະໂຍບາຍການເງີນ,ສິນເຊື່ອ,ທະນາຄານ ປະກັນໄພແລະອື່ນໆ.
ຄ. ເນື້ອໃນສັງຄົມພັນທະພາບ
ເມື່ອພິຈາລະນາຢ່າງເຖິງຖອງແລ້ວ
ຈະເຫັນວ່າເນື້ອໃນການເມືອງ, ເສດຖະກິດຂອງພັນທະພາບລ້ວນແຕ່ສຸ່ມໃສ່ຈຸດໝາຍຮັບໃຊ້ຄວາມຕ້ອງການທາງວັດຖຸ ແລະ ຈິດໃຈ
ຂອງກຳມະກອນ ຊາວກະສິກອນ ແລະປັນຍາຊົນ ກໍ່ຄືທົ່ວສັງຄົມ. ສະນັ້ນ, ການປະຕິບັດພັນທະພາບທາງດ້ານສັງຄົມຕ້ອງເອົາໃຈໃສ່ດັ່ງນີ້:
ໜຶ່ງ: ໃນການຂະຫຍາຍເສດຖະກິດສິນຄ້າ ຕາມກົນໄກຕະຫຼາດ ແນ່ນອນຕ້ອງເກີດມີການຜັນແຍກສອງຂົ້ວ ( ຮັງມີ,ທຸກຈົນ )
ໃນຖັນແຖວກຳມະກອນ ປັນຍາຊົນ ແລະເປັນຕົ້ນແມ່ນໝູ່ຊາວນາ.
ນັ້ນແມ່ນຄວາມເປັນຈິງພາວະວິໃສ ເຊິງພັກ-ລັດ ຕ້ອງມີແຜນນະໂຍບາຍ,ນະໂຍບາຍທີ່ຖືກຕ້ອງເພື່ອດັດສົມໃຫ້ສົມເຫດສົມ ຜົນ,ເສີມຂະຫຍາຍກຳລັງດັນທາງດ້ານເສດຖະກິດເພື່ອສ້າງສາພັດທະນາປະເທດ ຊາດ.
ທິດທາງລວມການດັດສົມແມ່ນ ຕ້ອງສົ່ງເສີມຄວາມຮັ່ງມີ
ລ້ຳລວຍຢ່າງຊອບທຳ ຖືກກົດໝາຍ,ທັງມີມາດຕະການເພື່ອຊ່ວຍຊຸກຍູ້ໝູນ ເພື່ອລົບລ້າງຄວາມອຶດຫິວ,ຫຼຸດຜ່ອນຄວາມຍາກຈົນຢ່າງມີປະສິດທິຜົນ.
ສອງ: ປະຕິບັດຄວາມສະເມີພາບ ສັງຄົມແຕ່ລະບາດກ້າວ ໃນຂົງເຂດສະຫວັດດີການ ສັງຄົມຕໍ່ນັກຮົບປະຕິວັດ,
ຄອບຄົວ ທີ່ເສຍສະຫຼະຊີວິດ, ຜູ້ມີຄຸນງາມຄວາມດີຕໍ່ປະເທດຊາດ, ນະໂຍບາຍອຸດໜູນສັງຄົມ
ຕໍ່ ຜູ້ເຖົ້າແກ່
ປ່ຽວພອຍ,
ເດັກນ້ອຍອານາຖາຢູ່ຕົວເມືອງແລະຊົນນະບົດ.
ສາມ: ໃນກົນໄກເສດຖະກິດໃໝ່ນີ້, ກຳມະກອນ, ຊາວນາ, ປັນຍາຊົນ ພວມຂາດວຽກເຮັດງານທຳ,ເງື່ອນໄຂ
ການອອກແຮງງານແລະຊີວິດການເປັນຢູ່ ຍັງພົບຄວາມຫຍຸ້ງຍາກຫຼາຍຢ່າງ.
ນີ້ແມ່ນບັນຫາສັງຄົມທີ່ຈະຕ້ອງໄດ້ເອົາໃຈໃສ່ແກ້ໄຂເທື່ອລະກ້າວ ໃນຂະບວນວິວັດທະນາການສຳພັນທະພາບ
ກຳມະກອນ ຊາວນາ ປັນຍາຊົນ.
ສີ່: ເອົາໃຈໃສ່ຢ່າງເປັນປະຈຳ ຕໍ່ການຍົກສູງລະດັບການສຶກສາໃຫ້ ກຳມະກອນ,ຊາວນາພິເສດແມ່ນປະຊາຊົນບັນດາເຜົ່າສ່ວນນ້ອຍ,ເຂດຫ່າງໄກ ສອກຫຼີກ.ນີ້ແມ່ນໜ້າທີ່ຂອງ ພັກ-ລັດ
ແລະທົ່ວສັງຄົມ. ແຕ່ໃນແນວຮົບນີ້,ປັນຍາຊົນມີບົດບາດສຳຄັນ ເປັນຜູ້ນຳພາ ແລະຕັດສິນໂດຍກົງຕໍຂະບວນວິວັດນີ້.
ຫ້າ: ວຽກງານຂື້ນແຜນກຳນົດ ແລະ ລົງທຶນ ຂະຫຍາຍອຸດສາຫະກຳ, ວິທະຍາສາດເຕັກນິກ ເພື່ອຂະຫຍາຍກະສິກຳ, ສ້າງຊົນນະບົດໃໝ່
ເປັນເງື່ອນໄຂ ແລະ ເນື້ອໃນພັນທະພາບ, ທັງສະແດງໃຫ້ເຫັນແງ່ໜຶ່ງຂອງຄວາມຢຸດຕິທຳໃນສັງຄົມ.
ສັງລວມແລ້ວ: ການປະຕິວັດເນື້ອໃນການເມືອງ,ເສດຖະກິດ,ວັດທະນາທຳ-ສັງຄົມ ຂອງພັນທະພາບ
ແມ່ນສະແດງອອກເຖິງກຳລັງແຮງສັງລວມໃນການສ້າງຄວາມສາມັກຄີ ເປັນເອກະພາບ ເພື່ອປະຕິບັດຄວາມຢຸດຕິທຳໃນສັງຄົມ,ເຮັດໃຫ້ຕົວເມືອງຊົນນະບົດ,ທົງພຽງ,ພູດອຍ ຫຍັບເຂົ້າຫາກັນ.
ຄຳຖາມຄົ້ນຄ້ວາ
1. ຈົ່ງອະທິບາຍຈຸດພິເສດ,ບົດບາດຂອງຊົນຊັ້ນກຳມະກອນ,ຊາວນາແລະປັນຍາຊົນມີຄືແນວໃດ?
2. ຄວາມຈຳເປັນແລະເນື້ອໃນຂອງພັນທພາບລະຫວ່າງຊົນຊັ້ນກຳມະກອນ,ຊາວກະສິກອນແລະປັນຍາຊົນສະແດງອອກແນວໃດ?
ไม่มีความคิดเห็น:
แสดงความคิดเห็น